ekainak 10eko eguzki-eklipsea

2 Ekainak 2021, 11:38 am
Publicado en Idatzita
anularEclipse eus

Eklipse-anularra Artikon ikusiko da



Datorren ostegunean, ekainak 10ean, eguzki-eklipse bat izango da. Eklipsea anularra izango da Artikotik eta Ipar Europako herrialdeetatik partziala izango da. Horrek Ilargiak Eguzkiaren zati bat besterik ez duela estaliko esan nahi du. Euskaditik ere partzial moduan ikusiko da, baina bere azalaren %0,12tik %0,20ra-ko zatia besterik ez da izkutatuko, berez eklipsea ez da oso ikusgarria izango.

 

 

2021 06 10 sunSequence Donostia San Sebastian2 eus

Donostiatik eta inguruetatik ikusiko den eklipse partziala.

 

Euskal herrian eklipsea 11:03an hasiko da gutxi gora behera eta 12:45ean bukatuko da. Eklipsearen maximoa  11:52an gertatuko da. Momentu horretan eguzkiaren azalaren %0,16a estalita egongo da.

 

betaurrekoak

KONTUZ! Eklipsea ikusteko asmoa baduzu, zure begiak egoki babestu behar dituzu.

 

Eureka! Zientzia Museoan SunSpotter teleskopioarekin proiekzioren bidez erakutsiko dizugu segurtasuzn osoz. Ordutegia: 11-tik 12:30tara.

 

Eclipses solares eusNOLA GERTATZEN DIRA EGUZKI-EKLIPSEAK

Ilargia, Lurraren eta Eguzkiaren artean jartzen denean gertatzen da eguzki-eklipsea. Batzuetan, Ilargiak erabat eta zehazki estaliko du eguzki-diskoa, orduan eguzki-    eklipse osoa (A) gertatuko da. Beste une batzuetan, Ilargia pixka bat urrunago dago, eta haren diskoak ez du erabat estaltzen eguzki-diskoa. Kasu horretan, eraztun- itxurako eguzki-eklipsea (B) gertatzen da. Ilargiak eguzki-diskoaren zati bat estaltzen duenean, eguzki-eklipse partziala da (C).

Ekainak 10eko eklipsea anularra izango da, baina zonalde txiki batetik soilik (Artikotik) ikusiko da horrela, beste zonalde handiago batetik partziala ikusiko da.

Gidatutako saio tematikoak

18 Urtarrilak 2021, 11:06 am

Monitore batek zuzenean gidatutako planetarioko saio bat da eta fenomeno astronomiko bat azaltzen da. Saio batzuk urtaro bakoitzeko zeruan ikusten diren objetktuak xehetasunez azaltzen dira: udaberria, uda, udazkena eta negua.

Gainerako saioetan, fenomeno astronomikoak azaltzen dira. Saio horiek ordubete irauten dute, eta publiko helduari zuzenduta daude, astronomian interes berezia dutenei.

icono gente Adin guztiak

icono reloj 60 min

Hilabeteko zerua

18 Urtarrilak 2021, 10:55 am

Monitore batek zuzenean gidatutako planetarioko saio bat da. Bertan, izar eta konstelazio distiratsuenak erakusten dira eta hurrengo hilabetean zehar zeruan ikusgai egongo diren planeta kere azaltzen dira. Bestalde, hilero fenomeno astronomiko ezberdin bat kontatuko dizuegu.

icono gente Adin guztiak

icono reloj 45 min

Kometa bat ikusgai!

14 Uztailak 2020, 9:16 am
Publicado en Idatzita

Egun hauetan zehar, zeruan kometa bat ikusteko aukera dugu. Ez da kometa ikusgarria, baina une aproposa da gure lehen kometa begi bistaz ikusi ahal izateko. C/2020 F3 (NEOWISE) kometa da.

Martxoaren 27an, ezustekabean, NEOWISE espazio-teleskopioak (Near Earth Object Wide-field Infrared Survey Explorer). aurkitu zuen kometa.

NEOWISEk Eguzkira uztailaren 3an izen zuen bere hurbilketarik handiena, Eguzkitik 43 milioi km-koa. Distantzia hau Merkurioren eta Eguzkiaren arteko batez besteko distantzia baino zertxobait txikiagoa da. Uztailaren 23an, Lurrera gehien hurbilduko da (103 milioi km).

NEOWISE kometak 1996an (Hyakutake) eta 1997an (Hale-Bopp) zeruan ikusi ziren kometa handiak gogorarazten dizkigu, baina, zoritxarrez, ez du haien distira-maila lortuko. Hala ere, merezi du gauren bat eskaintzea.

Argazki hauek, Iñaki Lizasok astroargazkilariak orain dela egun gutxi egin ditu, kometa egunsentian ikusten zenean. Bere lana jarraitu nahi izanez gero,  www.astrosurf.com helbidean egin dezakezue.

C2020F3 Cometa Iaki Lizaso 3p

 C2020F3 Cometa Iaki Lizaso 2p

Argazkiak: @Iñaki Lizaso

Noiz eta non ikusi
Kometa uztailaren hasieran hasi zen ikusten egunsentiko zeruan. Goiz jeiki behar zen hura ikusteko (goizeko 4:30ean), eta Eguzkitik hurbil zegoenez, zaila zen behatzea.

Uztailaren erdialdetik aurrera
Pixkanaka distira galtzen hasi arren, uztailaren 15etik aurrera kometa iluntzeko zeruan ikusi ahal izango da, eta horizontearen gainetik altuera hartuko du berehala. Horregatik, errazagoa izango da zeru ilunetan ikustea, gaueko 11ak aldera. Modurik hoberena izango da leku ilun bat bilatzea, hirietako argietatik urrun eta zerumuga bistan duela.

Kometa ipar-mendebaldean aurkituko dugu, Hartz Nagusiaren konstelazioaren behealdean kokatuko da eta uztaileko bigarren hamabostaldian zehar ikusi ahal izango dugu.

Hurrengo irudian, NEOWISE kometa zeruan non kokatuko den eta zer ordutan behatuko den azaltzen da, uztaileko hurrengo egunetan.

Ez ahaztu, bilatu zeru ilunak eta eraman prismatikoak!

 

Ikasteko eta entretenitzeko software astronomikoa

15 Maiatzak 2020, 8:19 am
Publicado en Irratia

Hemen proposatzen dizkizuegu astronomia ikasteko eta horretaz gozatzeko interneten aurki ditzakegun doako programa eta aplikazio batzuk.

Stellarium

Denbora errealeko zeruaren simulagailu interesgarri bat da, planetario birtuala motatakoa. Zure herritik edozein egun eta ordutan ikusten diren astroak ezagutzeko aukera emango dizu, zure behaketak planifikatzeko. Adibidez, begi hutsez ikusten diren konstelazio eta izar distiratsuenak ezagutu ahal izango dituzu, edo zeruan “ezkutatzen” diren beste objektu batzuk aurkitu, hala nola, nebulosak, kumuluak edo galaxiak. Horietako bakoitzari buruzko informazioa irakur dezakezu.

Simulagailu honek on line bertsio bat du oinarrizko funtzioekin, baina deskarga dezakezun aplikazioak aukera askoz gehiago ditu.

Stellarium 

http://stellarium.org/es/ (deskarga) 

https://stellarium-web.org (onlineko bertsioa)

Hubble Space Telescope-ren irudiak

Europako Espazio Agentziak gure esku jarri ditu Hubble espazio-teleskopioak 30 urte hauetan zehar lortutako irudi ikusgarrienak. Gozatzeko soilik, baina baita Unibertsoari buruz ikasteko ere, irudi hauetako asko erresoluzio handian deskarga daitezke.

HubbleImagenes2 

https://www.spacetelescope.org/images

NASA’s eyes

NASAk aplikazio bitxi hau eskaintzen digu eta bere bitartez begiak Eguzki Sisteman jarri ditzaketu Eguzki Sistemako planetak eta sateliteak arakatzeko, edo begiak Lurrean jarri ditzakegu Lurra orbitatzen duten satelite artifizialak ikusteko edo atmosferako gasen kontzentrazio maila ezagutzeko,… Horrez gain, zure begiak exoplanetetan jarri ditzakezu eta galaxian zehar bidaiatu ahal izango duzu, exoplanetak ete beraien ezaugarriak ezagutuz.

NASAeyes 1png  NASAeyes 2

https://eyes.nasa.gov

SpaceX Crew Dragon simulagailua

SpaceX enpresak garatutako aplikazio honekin SpaceX zunda bat atrakatu ahal izango duzu Nazioarteko Espazio Estazioan.

Web orri honek dioenez, “simulagailu honen bidez, NASAko astronautek “SpaceX Dragon 2” ibilgailua eskuz pilotatzeko erabiltzen dituzten kontrolak ezagutuko dituzu.
Jarraibide batzuk eskura daude ikasi ahal izateko.

SpaceXSimulator

https://iss-sim.spacex.com  

Astrokids Universe

Azken gomendio hau haurrentzako aplikazio bat da, doakoa Androiderako eta IOSerako. Horren bidez jolastu eta ezagutu ahal izango dituzte planetak, konstelazioak, ibilgailu espazialak eta askoz gehiago. Erderaz dago.

Astrokids