"Iraileko zerua": planetarioan zuzenean egindako saio bat da. Bertan, hurrengo hilabetean ikusiko diren izarrik eta konstelaziorik nabarmenenak erakutsiko dizkizugu. Ikusgai diren bost planetak zeruan non aurkitu ere esango dizugu.
Gainera, hilabete bakoitzean fenomeno astronomiko desberdin bat azalduko dizugu.
Hilabete honetan, eklipseei buruz hitzegingo dugu: eguzki-eklipseak eta ilargi-eklipseak, zergatik gertatzen diren eta nola ikusi.
Leihaketa batean parte hartzera ere gonbidatzen zaitugu: saioaren ondoren galdera bat erantzun ahal izango duzu. Asmatzen dutenen artean opari bat zozketatuko dugu.
Adina: 9 urtetik aurrera.
Saioa euskeraz: abuztuaren 25an, goizeko 12:30an.
Planetarioko sarrerarekin.
Beste behin ere, urteko izar-euririk ospetsuena iristen da, hots, Pertseidak.
Pertseiden meteoroak uztailaren 24tik abuztuaren 22ra arte ikus daitezke, baina izar-euri horren jarduera handieneko unea 2019an abuztuaren 12tik 13ra bitarteko gaua izatea espero da. Aurten, tamalez, fase handiko ilargiak zailduko du meteoroen behaketa.
2019ko abuztuaren 15ean Ilargi betea izango da. Horregatik, maximoaren gauean, Ilargiaren argiak, Pertseidak jarduera handieneko unean ikustea eragotziko du neurri handian.
Posición del radianete de las Perseidas en la noche del 12 al 13 de agosto hacia las 2 de la madrugada.
Fenomeno hau egunero azalduko da Planetarioan eta urte baterako lagun-txartel familiar baten lehiaketan parte hartu ahal izango da.
Noiz: abuztuak 1etik 12ra: 11:45ean euskaraz, 12:15ean erderaz. Iraupena: 10 min. Doan museoko sarrerarekin.
Irudian ikusten da Pertseiden erradiantearen posizioa abuztuaren 13ko goizaldeko 2ak inguruan. Ilargiak zailduko du meteoren behaketa.
Abentura berri bat hasten da! Urrats bat haratago ematen dugu aniztasun funtzionala duten pertsonen inklusioaren alde. Uztailetik aurrera Donostiako Eureka! Zientzia Museoak PLANETARIUM URDINA martxan jarriko du, aniztasun funtzionala duten pertsonei bereziki zuzendutako zinema inmertsiboko saioak.
Horretarako, bai aretoak baita proiekzioak ere hainbat aldaketa izango dituzte saioa guztiontzat irisgarri izan dadin. Egokitzapen hauek bolumenaren murriztean edota argiren bat piztuta mantentzean datza ikusleak seguru sentitu daitezen. Helburua ingurune lagunkoi bat eraikitzea da non emozioak beldurrik gabe adierazi daitezken eta askatasun osoz mugitu.
Lehenengo saioa hurrengo uztailaren 7an izango da, igandean, eta Polaris filma proiektatuko da 2D formatuan, pelikula dibertigarri, koloretsu eta interesgarria. Ikus-entzunezko esperientzia honetaz goizeko 11:30tan gozatu ahal izango dugu, euskaraz eta 30 minututan zehar. Prezioa 2,5€-koa da aniztasun funtzionala duten pertsonentzat eta 3,5€-koa gainontzekoentzat.
Datorren udazkenean II. Astronomiaren hastapenei buruzko ikastaroa Planetarioan izango da.
5 hitzaldi izango dira ikastaro honetan eta helburua, Planetarioko sistema digitalaren laguntzaz, Unibertsoaren oinarrizko ezagutzak berrestea da. Gaiak hauek izango dira: astroen ageriko eta benetazko mugimenduak, Ilargia, Lurra eta Eguzkia, Eguzki-Sistema eta espazio sakona.
Izen emateak Aulas Kutxa Kultur-en bitartez egingo dira irailaren 11tik 25era bitartean, link honetan: https://www.kutxakultur.eus/eu/aulas/
Bisita gidatuak egingo dira zeruko objektu desberdinak teleskopioz eta prismatikoz behatzeko. Objektu hauek desberdinak izango dira garaiaren arabera, baina orokorrean hauek ikusiko dira: ilargia, planetak, nebulosak, izar-kumuluak, galaxiak, izar bikoitzak,...
Bisita gidatuak ondorengo egunetan egingo dira:
|
maiatzak 10 |
21:45-22:15 |
EROSI ZURE TICKETA |
|
ekainak 7 |
22:15-23:45 |
EROSI ZURE TICKETA |
|
abuztuak 2 |
22:00-23:30 |
EROSI ZURE TICKETA |
| irailak 6 |
21:15-22:45 |
|
|
urriak 5 |
20:15-21:45 | |
| 18:30-20:00 | ||
| 18:30-20:00 |
Prezioa: 12 € (abonatuak: 10 €)
Adina: 10 urtetik aurrera.
* Baldintza meteorologikoak ez badira egokiak, behaketa bertan behera geldituko da. Kasu honetan dirua itzuliko da.
Bisita ez bada egiten telefonoz abisatuko da egun berean.